Jugilager 2017 – Montag
Nachdäm mir gweckt worde si, hei mir es feins zmorge gässe. Alli hei sich gfreut ufe Nomitag will super Wätter gsi isch und mir würde go BADE!! Nachem Sport hets zmittag gä.
Den e chli spöter ischs ändlich so wit gsi Badezit! Alli hei sich berat gmacht für de Usflug. Es sie öpe 10 Minute Laufe fom Lagerhus bis ind Badi gsi. Wo mir in der Badi acho sind, sind alli ins Wasser gange. Es het 2 Wasserrutschene, eis Trampolin und e Sprungprätt ka. Mir hei natürlich alles usteschtet! Ich han alles toll gfunde! Nachere Stund hei die meischte es Pedalo gmietet und sind mit mit däm ume gfahre. Es zitli spöter sie mir den gange.
Wo mir dehei gsi sind hei mir e Wasserschlacht gmacht. mir hei 100 Wasserbalön gmacht! Hei den znacht gässe und den no e chli chillt😊 Nach däm si mir go Minigolf spiele isch au super schwierig aber super! Nach däm sie mir hei gange den hei mir nno e chlins desser gässe und den ins Bett. 😊